Kuchh To Karna Hoga

3
17 -Nov-2011 Dr. Parshuram Shukla Environment Poems 2 Comments  65,392 Views
Dr. Parshuram Shukla

Dekho iss banjar dharti ka kuchh to karna hoga.
nahi kiya gar jatan abhi kuchh sabko marna hoga.
ek samay tha jab dharti par jangal leharaate the.
kal-kal-kal nadiyaa behati thin, jharane ithlaate the.
sukhi nadiyaan, sukhe jharne inko bharna hoga.
kuchh to karna hoga.

Baagh, Tendua, Gainda, Bhaaloo sab hain shaan humari.
inhe maar kar kyon karte ho marne ki tyari.
jeev sabhi aabaad rahein aisa kuchh karna hoga.

Dekho iss banjar dharti ka kuchh to karna hoga.
nahi kiya gar jatan abhi kuchh sabko marna hoga.
ek samay tha jab dharti par jangal leharaate the.
kal-kal-kal nadiyaa behati thin, jharane ithlaate the.
sukhi nadiyaan, sukhe jharne inko bharna hoga.
kuchh to karna hoga.

Aasmaan mein udane waali chidiyon ki ab baari,
beej, beriyaan khaakar kartin ye sab madad humari.
jeev sabhi hain apane saathi in sang rehna hoga.

Dekho iss banjar dharti ka kuchh to karna hoga.
nahi kiya gar jatan abhi kuchh sabko marna hoga.
ek samay tha jab dharti par jangal leharaate the.
kal-kal-kal nadiyaa behati thin, jharane ithlaate the.
sukhi nadiyaan, sukhe jharne inko bharna hoga.
kuchh to karna hoga.

Khaad, Urea, Phosphat sab mitti jahar banaate.
Diesel se chalane waale sab waahan rog badhaate.
utho karo kuchh varna ye sab humko sehana hoga.

Dekho iss banjar dharti ka kuchh to karna hoga.
nahi kiya gar jatan abhi kuchh sabko marna hoga.
ek samay tha jab dharti par jangal leharaate the.
kal-kal-kal nadiyaa behati thin, jharane ithlaate the.
sukhi nadiyaan, sukhe jharne inko bharna hoga.
kuchh to karna hoga.

Kaan fodati aawazon ke khataron ko pehachaano.
jaan humari le saktin ye bilkul pakka maano.
shor bahut ghhatak hai, isase bachkar rehana hoga.

Dekho iss banjar dharti ka kuchh to karna hoga.
nahi kiya gar jatan abhi kuchh sabko marna hoga.
ek samay tha jab dharti par jangal leharaate the.
kal-kal-kal nadiyaa behati thin, jharane ithlaate the.
sukhi nadiyaan, sukhe jharne inko bharna hoga.
kuchh to karna hoga.

Nagaron ke logon ki dekho akal gayi hai maari.
paani bijali ki barbaadi marne ki taiyaari.
inhe bacha kar sabake jeevan mein sukh bharna hoga.

Dekho iss banjar dharti ka kuchh to karna hoga.
nahi kiya gar jatan abhi kuchh sabko marna hoga.
ek samay tha jab dharti par jangal leharaate the.
kal-kal-kal nadiyaa behati thin, jharane ithlaate the.
sukhi nadiyaan, sukhe jharne inko bharna hoga.
kuchh to karna hoga.

Abhi samay hai abhi sambhal sakte ho dharti waalon.
paryawaran bacha lo apana bigadi baat banaa lo.
bhool huyi gar ab humse to humko marna hoga.
kuchh to karna hoga.

Dekho iss banjar dharti ka kuchh to karna hoga.
nahi kiya gar jatan abhi kuchh sabko marna hoga.



Please Login to rate it.



How was the poem? Please give your comment.

Post Comment

2 More responses

  • Anamika kaushik (Guest)
    Commented on 22-August-2012

    thanx so much sir for this wonderful poem,,, helped me a lot in preparing the student for hindi poem recitation.. thanx.. :).

  • Anvesh Gupta (Guest)
    Commented on 10-June-2012

    it is a very good poem about the environment.


You may also like

Is writing is your passion?

Then join us to spread your creativity to world. Registration is absolutely free.