Duniya bhar mein andhiyare ko mitaye

0
Jagat Singh 'Jagat'

Ujiyaare ka ye maalik, ujiyara jagmagaaye.
ja ja ke duniya bhar mein, andhiyare ko mitaye.

Ye pyar ka hai jharna, karuna ka hai ye sagar.
bhar deta prem se ye, har ek mann ki gaagar.
rehamat ke jal se sinche, jo phool murjhaaye,
ja ja ke duniya bhar mein...

Neki ka ye farishta, karata hai bas bhalaayi,
shanti ka ye masiha, mitaye har buraai,
oos or hain bahaarein, jis or bhi ye jaaye,
ja ja ke duniya bhar mein...

Sachchaai ka ye pujari, ye gyan ka hai daata,
bharmon ke tode bandhan, sach se ye jode naata,
janmon ke daag dho ke, nirmal ye mann banaaye,
ja ja ke duniya bhar mein...

Nafrat ke chhaye baadal, bechain hai jag saara,
sukh ki talaash mein hai, insaan dukh ka maara,
sukh deke ye "Jagat" ke, dukh dard ko mitaaye,
ja ja ke duniya bhar mein...


Please Login to rate it.



How was the poem? Please give your comment.

Post Comment

Is writing is your passion?

Then join us to spread your creativity to world. Registration is absolutely free.