''HINDUSTAN ISE HAM KAHATE HAI......''

0
19 -Jun-2017 BABUL KUMAR SINGH Patriotic Poems 1 Comments  136 Views
BABUL KUMAR SINGH

Rishi-muniyo ke is desh ko dekho,iskee ghata nirali hai.
Charo aur adbhut najara,kheto me hariyali hai.
Uttar me himalaya iske,dakshin me sindhu samarat.
Raksha iskee ye he karte, dharkar apna rup virat.
Jahaan har dharmo ke-har majahab ke , log milkar rahate hai.
Iskee apni baat anokhi ,Hindustan ise ham kahate hai.

Mahapurso ke is dharti par,mahaveer-buddh bhi aaye the.
Apni gatha me sabne isko,atulya-alaukik bataye the.
Bharat hai sone ki chiriya, sabne isko mana hai,
Sundar desh banane ka,jahaan bachha-bachha thana hai.
Veerbhumi aur jannat hai ye, na bura kisi se kahate hai.
Yah to pawan nagari hai ,Hindustan ise ham kahate hai.

Yah wah dharti hai jahaan ise ham , mata kahakar bulate hai.
Insano ki baat hi chhoro,patthar bhi puje jate hai.
Is dharti ke khatir sabne, lakho kast jhele hai,
Prano ki bhi phikar na ki, aur jaan ki baji khele hai.
Yah wah dharti hai jahaan, julm kabhi na sahate hai.
Ye satya-ahinsa ki bhumi hai, Hindustan ise ham kahate hai.

Yah wah dharti hai jahaan Vishnu ke, dasvataro ne janam liya.
Is dharti par aakar sabko,jine ka bhi sikh diya,
Is devbhumi aur veerbhumi me devnadi bhi bahati hai.
Mil-julkar sab rahe yahaan,iskee nirmal dhara kahati hai.
Karmath-nischhal hai log yahaan ke, ye bhi sab to kahate hai,
Itni sundar ye dharti hai, Hindustan ise ham kahate hai…..
Hindustan ise ham kahate hai.
BABUL KUMAR SINGH




Please Login to rate it.




How was the poem? Please give your comment.

Post Comment

1 More responses

  • poemocean logo
    Deepika (Guest)
    Commented on 19-June-2017

    Nice poem. Hindustan ke bare mein sach likha gaya hai. Kash ab bhi humara hindustan aisa hota..

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017