Nari ki yahi vytha
Jeevan bhar sahti saja
Saunpkar jivan apna
Pura karti sabka sapna
Uska mann saaf hota
Har paap maaf hota
Maa patni bahan bankar
Rahti sabki sagi bankar
Ghar ko wo hi swarg banati
Kutumb ko aise wo sajaati
Dhage me moti ho jaise
Pariwar ka bandhan ho jaise
Rishto ko aise wo nibhati
Jaise ho diya or baati
Sankat jab aata uss ghar par
Aati wo durga kali bankr
Ghar ghar jab ho aisi naari
phir kyun kahe usse abla naari.