Latest poems in Hindi & English on Republic day, India Gantantra Diwas, 26 January

ATM, Paytm

0
10 -Dec-2016 Rajendra Bahuguna Technology Poems 0 Comments  1,455 Views
Rajendra Bahuguna

Ye Ram rajya hai bin paise ke desh chalega
ab ATM, Paytm mein ye desh Dhalega
ab har khate mein paisa apne aap Dalega
ab ek mashin se sara Hindustan palega

ab ATM se roti bhi ban kar aayegi
ab roji roti sab mashin hi dilwayegi
ab jeb katarane ka bhi koi risk nahi hai
ab prem-parnay mein bhi paise ka ishq nahi hai

mandir, masjid, girja saare bamk banegein
ab is mashin se dharm ke khaate khoob chhanege
is Paytm ko ishwar, allaah bhi manega
ab bhaav bhagat ke bhagwan bhi to janega

kya is mashin ko bhikhamange bhi laharayenge
ab aukaat dekhkar daani ki mahima gayenge
kya Paytm dharm ke dhandhe karvayega
kya punya paap bhi Paytm se hi aayega

kya Paytm hi parjatantra ka roop dharega
kya Paytm hi kasht rashtra ke svaym harega
ye Paytm Hindu, Muslim ban jayega
ab Paytm sampradaay ki dhun gayega

kya aam aadmi Paytm ka daas banega
kya mera Bharat duniya mein ab khaas banega
kya is Paytm se maya ke bandhan tootenge
kya ATM, Paytm sab neta ghootenge

kya Paytm se naukarasahi sudhar jayegi
kya Paytm se mantri ki tankhwah aayegi
kya Paytm se ab raili mein bheed jutegi
kya kaaledhan ki parampara bhi ab tootegi

kya ramarajya se karamrajya bhi pit payega
kya Paytm ko prajatantra khulakar gayega
kya bin mudra ka dhandha murdo ko bhayega
ye kavi aag to haasy-vyag ko hi gayega..

ATM, Paytm


 Please Login to rate it.



You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017