Latest poems in Hindi & English on Republic day, India Gantantra Diwas, 26 January

बनल रहा बरियार मोदी जी

0
11 -Nov-2021 Dhirendra Panchal Politics Poem 0 Comments  311 Views
बनल रहा बरियार मोदी जी

छूट गइल कुल यार संघाती , घरवां के परिपाटी ।
दिन से भइली हीन गाँव क गरियावेले माटी ।
धय धय लोला दाबेले सरकार मोदी जी ।
राम करें तूं बनल रहा बरियार मोदी जी ।

चिक्कन चिक्कन बात तू खाली टीबी से बतियावा ।
समय के मारल लइकन के कह पुलिस से लतियावा ।
बस भाषण में बांटा तू रोजगार मोदी जी ।
राम करें तूं बनल रहा बरियार मोदी जी ।

माई बहिन क गारि देवे खातिर हव परशासन ।
सुन सुन के बरदास करिले जइसे कुस के डासन ।
पढ़ लिख के भी ताकि मुँह तोहार मोदी जी ।
राम करें तूं बनल रहा बरियार मोदी जी ।

सांझ सबेरे ढिबरी लेखा भभकी अउर बुताईं।
गांव के लोगवा पुछेलें कब कपरा मऊर बन्हाई ।
अर्थहीन हो गइली हम बेकार मोदी जी ।
राम करें तूं बनल रहा बरियार मोदी जी ।

तीन लोक क बिजयी रावण बनबासी से हारल ।
बानर के बानर जाने क गलती लंका जारल ।
जिन बुझा तू संसद के ससुरार मोदी जी ।
राम करें तूं बनल रहा बरियार मोदी जी ।
संविधान क हम्मे कवन असार मोदी जी ।
राम करें तूं बनल रहा बरियार मोदी जी ।

✍️ धीरेन्द्र पांचाल

बनल रहा बरियार मोदी जी


 Please Login to rate it.


You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017