Latest poems on indian republic days, 26 january, gantantra diwas, swadhinta diwas

Chinti ne Path Padhaya

0
06 -Jun-2018 Kids Poem 0 Comments  108 Views
Chinti ne Path Padhaya

Gappu hathi the bade utpaati,
waise hi the unke sathi,
ye jangal mein karte the manmani,
chalte the jaise raja abhimani.

Jangal ke janwar the pareshan,
sher maharaj bhi rahte the hairan,
ik din raja ne sabha bulai,
wahan aaye pashuon ko baat batayi.
sabak sikhaane ka milkar karo upay,
chinti boli, kaam humein yah saunpa jaay.

Are wah!! chhote munh badi baat,
dekho re dekho chinti ki bisaat,
chinti se nahi sahi gai katu vani,
usane kuchh karne ki mann mein thaani,
wah akal ke ghode dauda rahi thi,
buddhi ke chabuk chala rahi thi.

Chalte-chalte wah ghar par aai,
apani sena ko sari katha sunayi,
jangal mein badhne lagin chintiyan sari,
unake bal se kaamp rahi thi dharti bhari.

wahan pahunch unhone Gappu ko lalkara,
usaki harkat par use khoob dhikkara.
Gappu bola, jo bhi hai saamne aao,
apna kala munh mujhe dikhao.

Yah sun chinti ne ek tamaacha mara,
halka nahin, wah tha bahut karara.

Usane damaadam Gappu par laat barsai,
Gappu roya, par use daya na aayi.

Fir dheere-dheere soond mein sendh lagai,
dank maar-maarkar usaki soond sujai.

Gappu karta tha, dard se hay! Bhaiya,
mujhe chinti se bachao meri maiya.

boli-"ab nahin karna jangal mein utpaat,
laga adangi gira dungi, agar kiya utpaat."

Kaan pakad wah boli-"Galati nahin dohraunga,
nahin karna utpaat apne bachchon ko bhi samjhaunga.




Please Login to rate it.



You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017