• Home
• Poems
• Dream Poems
• Kuch khwaab aise...!!!

Kuch khwaab aise...!!!

Kuch khwaabon ki talash aaj bhi jaari hai...
Kuch khwaabon se meri ye duniya saari hai...
Kuch khwaabon ne apna vaada nibhaya hai,
Or ab, kuch naye khwaabon ki baari hai...

Kuch khwaabon ko ab alvida keh diya hai...
Kuch khwaabon ko sine mein kaid kar diya hai...
Kuch khwaabon ki ab keemat nahi rahi hai,
Isliye, kuch khwaabon ko bas khwaab hi rehne diya hai...

Kuch khwaabon ne khwaab dekhna sikha diya...
Kuch khwaabon ne jeene ka hosla dila diya...
Kuch khwaab aaj bhi adhoore hai,
Or kuch khwaabon ne haqikat se ru-baru kara diya...

Kuch khwaabon ne mujhe bahut sataya hai...
Kuch khwaabon ne pal pal tadpaya hai...
Kuch khwaabon ne raaton ki needein udayi hai,
Or kuch khwaabon ne mera sukoon churaya hai...

Kuch khwaabon ko aaj gunguna raha hu...
Kuch khwaabon ki tasvirein bana raha hu...
Kuch khwaab se muskuraane ki wajah mili hai,
Or kuch khwaabon ko jiye chale jaa raha hu...!!!

========By: Navneet========