Latest poems in Hindi & English on Republic day, India Gantantra Diwas, 26 January

Madhushala (Extended)

1
29 -Dec-2014 Abhishek Gupta Drunk Poem 0 Comments  2,430 Views
Abhishek Gupta

aaj kahin hai kho gaya
wo mast maula, hai, pine wala
hai behti maasum, khamosh si
akeli simti pyasi hala

hai khwaish un pyalo ki
bhari rehti thi jisme hala
aaj mila do, hai chahat jise
pahuchado use meri madhushala

ye jo dhwani bisarti chahu-dishayein
"band karo pina madak hala"
hai bana diya bairi muhje jo
aur chhuda diya sabse pyala

ye aaj sawal karti hu tumse
kya tumne kabhi pi hai hala
aao haath khule hai abhi mere
saamne dekho, sabki madhushala

kar diya band path, har pathik ka
saanso mein jinki basti hala
sun-magn hu mai swaron mein uski
hai pukarta har pinewala

har swas mein hai angar nikalti
aisi hai saant-chalit hala
ab nahi dekh sakti bechaini
har pine walo mai teri madhushala!!!

har man ki byatha jubani se
phulo si awatarit karati hala
hai kami kahin to, aag si basti
thamado josh bhara mera pyala

hai sital wo, hai aag wo
hai pyas bujhati, pyasi hala
shringar nahi hai roop badalti
rehti pyalo mein teri madhushala

hai baith mai yuhi likhta rehta
bas dekhta rehta hoon pyala
har boond mein meri pyas bisarti
pi lene do itni si hala

mai sunta hu kehte logo ko
har pyale se pyas badhati hala
koi ek piye ya lakh piye
reh jata hai wo madhusala

he madiralaya, mai aaunga
apni pyas bujhane, pyasi hala
ab aur nahi reh sakta door
thama do aaj mujhe bas ek pyala

ek pyale se, is jiwan mein
ek pyala bas mera hala
ek pyala pikar, khali pyala
lekar reh jaunga madhushala

he madiralaya tere aangan mein
mai kehlata ek pinewala
na janmo ka, na karmo ka
hai bhed kiya karta pyala

sab kadam thirakte sam-dishayein
jahan behti teri madak-hala
har kandhe ab na jhuke hue
har leti hai ye madhushala

hu rini tumhare madira ka
har pyale ka karz chukaunga
jo bhul gaye hai madiralaya
unko madhushala pahuchaunga

ab kranti chahu or se aayegi
madira banke sulgayegi
har jubaan se chalkega hala
har pao chalenge madhushala

har har madira har har madiralaya
har pyale pe dohrayenge
ab lahu nahi ab hala bahegi
rakta-charit kar jayenge

ab har dil ki har dhadkan pe
nach uthegi, chham chham hala
ab mandir, masjid, girizaghar mein
hi sajegi madhushala, meri madhushala


madira yeh tera jaadu hi
pyale-pyale se srijit karayega
har man se hatkar bhagwan-khuda
madhushala tab jagah banayega

tab madira ki bundo ki tap tap
man-mohan ki bansuri sa bhayega
chahu or dishaon se kadme
madhushala tab jayega

khoon-khoon mein bhed na hoga
rago mein madira hi sab payega
madira ke rang mein range hue hai
roop, rang-sam payega

tab chahu dishao ka jan-man
pehchan chinha ek payega
har naam suru 'pinewala' se
har kaam pyala khankayega

ek bhasa, pyale ki khan-khan
har majhab, hala banayaga
ek pyas uthegi, madira ki
pyala, pyale se tab takrayega

har saas se madak-madira ki
jag, jab, khusboo se sinchit ho jayega
jaykar uthegi madhushala ki
madira, tab karzz tera chuk payega



 Please Login to rate it.



You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017