Bachche Aur Paathshaala
2
Lagva kar mastak tilak, aa pahuncha school.
pahla din school ka, kaun sakega bhool.
Rota bachcha dekh kar, TEACHER yah samjhay.
ab hum tere pita hain, hum hi teri maay.
Kuchh din to yun hi gaye, bachcha raha daraay.
man hi man mein sochta, kab apne ghar jaay.
Dheere-dheere ho gaya, fir shaala se pyar.
sangi saathi ban gaye, badal gaya sansaar.
Vidyalaya ke bhawan mein, kamre bane vishaal.
bachche inmein baithte, mej kursiya daal.
Taruwar niche bhi padhein, kabhi -kabhi ye paath.
azaadi puri yahaan, pure inke thaath.
Ek bhawan mein saji hain, pustak kai hajaar.
bachche inko dekhte, padhte baarambaar.
Bhawan madhya shobhit yahaa, ek bada sa haal.
pratibhaayein hoti yahaan, sammaanit har saal.
Vidyalaya ke saamne, ek bada maidaan.
bachche nit gaate yahaan, Bharat mein ke gaan.
INTERVAL mein khelte, aur lagaate daud.
yahin yog shiksha sada, dete MISTER gaud.
Jhoole jaise khel bhi, dekhon yahaan anek.
bachche inase khel kar, bante sachche nek.
Kisi paudhe ka naam kya, kisake kya upyog.
shikshak batlaate yahaan, karke nitya paryog.
Pichhwaade mein bhawan ke, jangal jaisa baag.
prakriti sundari se yahaan, ho jaata anuraag.
Bachchon ke nit saath mein, shikshak khelein khel.
donon mein antar ghate, badhta jaata mel.
Vidyalaya mein hi manein, sab ke sab tyohaar.
sarvadharm shiksha mile, badhe sabhi mein pyar.
Ek maah mein ek din, deshaatan ka parv.
Bharat ka vaibhav kare, paida man mein garv.
Chhote bachchon ko bade, dete hain upahaar.
paate hain sammaan ye, aur baantate pyar.
Bachchon ke school par, bachchon ka adhikaar.
maar daant sab band kar, inhe dijiye pyar.
Bachchon ko shiksha pratham, deta hai pariwaar.
shaala isake baad mein, banati hai aadhaar.
Shaala to achchhi wahi, de vyavhaarik gyan.
isi gyan se bana tha, Bharat desh mahaan.
Please wait...
