Latest poems in Hindi & English on Republic day, India Gantantra Diwas, 26 January

Bachche Aur Shiksha

0
26 -May-2014 Dr. Parshuram Shukla Education Poem 0 Comments  5,269 Views
Dr. Parshuram Shukla

Putra janm ka kar rahe, hain yadi aap vichaar.
soch lijiye thik se, hain kitane taiyaar.

Pahale shiksha lijiye, aur lijiye maan.
beta-beti dein khushi, donon ek samaan.

Chaar varsh ko aayu tak, dhyan dijiye khaas.
sattar pratishat se adhik, hota tez vikaas.

Chaar varsh ke baad wah, paata anubhav gyan.
ant samay tak sikh kar, door karein agyan.

Bachche par mat thopiye, apna uthla gyan.
aap nahin hai bhakt bhi, bachcha hai bhagwan.

Bachche ke bhitar bhara, ek asimit gyan.
isako yadi samjho zara, bachcha banein mahaan.

Kala aur saahitya ka, inamein chhipa vikas.
sab kuchh sambhav vishv mein, ho man mein vishwas.

Nahin bada aulaad se, dekh-dekh vyavvhaar.
ye apne vyavhaar par, karte nahin vichaar.

Apane anubhav baantiye, inmein soch vichar.
anubhav sun kar ye karein, vaisa hi vyavhaar.

Shiksha aisi dijiye, mile maan samaan.
sabse alag vikas kar, bane ek pahchaan.

Rozgaar ki de rahe, shiksha inko aap.
rattoo tote ki tarah, jeevan ka abhishaap.

Shiksha se bilkul alag, maanavta ka gyan.
hona jeevan mein safal, hota nahin mahaan.

Shiksha jo karva sake, aatmshaki ka bodh.
swatah door honge sabhi, lobh, moh aru krodh.

Bachche sabse bade hain, iss jag ke jigyasu.
jigyasa ka shaman ho, varna rahein pipaasu.

Bachchon ko pahchaanana, kaam nahin aasaan.
shiksha dena bada ban, bachchon ka apmaan.

Sambhav hai sadbuddhi se, hi bahumukhi vikas.
asali shiksha kar sake, yah mera vishwas.

Shiksha jaakar kholati, man ke band kapaat.
antrman viksit kare, saare bandhan kaat.

Jo puchchhein batlaaiye, shiksha ka yah saar.
nahin jaante to nahin, kahein prashan bekaar.

Shikshit hon, bachche banein, Bharat maa ki shaan.
gunje saare vishav mein, Bharat ke gungaan.



 Please Login to rate it.



You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017