Latest poems in Hindi & English on Republic day, India Gantantra Diwas, 26 January

PANI EK ANOKHA YATRI

2
08 -Jun-2012 DINESH CHANDRA SHARMA Education Poem 1 Comments  7,029 Views
DINESH CHANDRA SHARMA

LAMBI LAMBI YATRA KARTA,
RISTA BEHTA HAI REHTA.
PANI EK ANOKHA YATRI,
HAR PAL CHALTA HAI REHTA.


SAGAR SE YEH BHAAP RUP MEIN,
BADAL BANKAR UD JAATA.
AUR VAAYU KE SAATH SAATH YEH,
DOOR DESH TAK HAI JAATA.
BARF-OS KAHIN VARSHA BANKAR,
JAGAH JAGAH JAMTA GIRTA.
AUR KAHIN KUHRA SA BANKAR,
IDHAR UDHAR BHAAGA FIRTA.
KUCH UDTA BAN BHAAP DHARA SE,
BADAL FIR BANTA REHTA.

PANI EK ANOKHA...........

KABHI BIKHARTA AATA JAISA,
GHAAS PHOOS AUR AANGAN MEIN.
RUI KE FAAHE SA UDTA,
FIRTA HAI VAN UPVAN MEIN.
GHAATI-CHOTI PE PARVAT KI,
ATHVA THANDE JAL-THAL MEIN.
BAN JAATE HIMKHAND BAHUT SE,
TAIREIN YE SAAGAR JAL MEIN.
AUR PIGHALTA GARMI PAAKAR,
DHARAAON MEIN HAI BEHTA.

PAANI EK ANOKHA.........................

CHOTI -CHOTI DHAARAON SE,
BANTI NADIYA CHOTI SI,
CHOTI CHOTI SI NADIYON SE,
BAN JAATI HAI BADI NADI.
JHARNA BAN GHAATI SE HOKAR,
MAIDAANO MEIN FIR BEHTI,
SINCHIT KARKE TAT KSHETRON KO,
SAAGAR MEIN JAAKAR MILTI.
JEEV DHARIYON, HARIYALI KO,
JEEVAN DETA HAI REHTA.


PAANI EK ANOKHA YATRI...........

JHEELON TAALON AUR NADIYON SE,
DHARTI MEIN RISTA JAATA.
AUR VAHAN BHI TARAH TARAH SE,
APNE KARTAB DIKHLAATA.
BHOO KE BHEETAR RISTA-BEHTA,
DHAARAYEIN BHI BAN JAATA.
AATA JAB AVRODH SAAMNE,
FAUVVARE SA FAT JAATA.
VIVIDH TARAH SE KAAM SABHI KE,
UPAR AATA HAI REHTA.

PAANI EK ANOKHA.............

AAS PAAS PEDON PAUDHON KE,
MITTI MEIN MIL JUL REHTA.
JAD SE LEKAR KE PATTON TAK,
SAARE PAUDHE MEIN BEHTA .
DHOOP KHANIJ OXYGEN SE MIL,
BANTA PAUDHON KA BHOJAN.
ISSE HI HARIYALI RAHTI ,
AUR ISISE HAI JEEVAN.
PATTON KE RANDHRON SE HOKAR,
BAAHAR UDTA HAI RAHTA.
PAANI EK ANOKHA....................

SAARE JAG MEIN HOTA KRAM SE,
PAANI KA YUN BANTWARA,
VIVIDH KAAM LOGON KE AATA,
MEETHAA AUR KAHEEN KHARA.
PAANI HSI BHARPOOR JAHAN PAR,
AISE HAIN ANGIN STHAAN.
JAHAN NAHEE PAANI JA PAATA,
VAHAN HAIN SOOKHE REGISTAAN.
BOOND BOOND PAANI KAHEEN DURLABH,
AUR KAHEEN BAHTA RAHTA.
PAANI EK ANOKHA YATRI,
HARPAL CHALTA HAI RAHTA
- -O-O-O-O-O-



 Please Login to rate it.



You may also likes


How was the poem? Please give your comment.

Post Comment

1 More responses

  • poemocean logo
    Sahil (Guest)
    Commented on 09-June-2012

    Thnx for this helpful poem.
    अब मैं छुट्टी के काम के टेंशन से फ्री हो गया.
    :-).

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017