Latest poems in Hindi & English on Republic day, India Gantantra Diwas, 26 January

Jeev Jahan Bhi Rahte Jag Mein

0
23 -May-2012 DINESH CHANDRA SHARMA Environment Poems 0 Comments  5,104 Views
DINESH CHANDRA SHARMA

Jeev jahan bhi rahte jag mein,
dharti maa ke laal hain,
prikriti ko samridh banate ,
inke hi sanjaal hain,


taal tallaiyon mein to dekho,
machli mendhak khate kuch ko,
kuch machli mendhak ko khate,
badi ek shrinkhla banaate ,
chalta rahta kram yeh aage,
sundar rahta taal hai,

prikriti ko ......

Anginat rahte mitti bheetar,
ulat pulat karte hain chipkar,
gatividhiyan karte hain din bhar,
nahi baith sakte hain thak kar,
isse hi upjau mitti,
bhojan puritthal hain,

prikriti ko....

Rang birane pakshi hote,
kheto ki rakhvali karte ,
shatru keeton ko ve khate ,
mitti ko urvara banate,
vriddhi hoti hariyali mein,
maanav bhi khushhaal hain,

prikriti ko....

Jangal mein jo jeev hain rahte,
ve bhi jo gatividhiyan karte ,
bel - patra - trin, ugte rahte,
ek dooje ko poshit karte,
kitna sundar jungle rahta,
hari bhari har daal hai,

prikriti ko....

Maanav ki gatividhiyan badhti,
hariyali hai jaati ghatti,
jeevon ki sankhya bhi ghatti,
vyavsthayein saari bigadti,
chheej rahe sansadhan sare,
dharti maa behaal hai,

prikriti ko samriddh banate inke hi sanjaal hain.



 Please Login to rate it.


You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017