Saanp Newale Waala
0
Humne dekha khel anokha,
saanp newale waala.
ek madaari bade shahar mein,
ek newala laaya.
aur sadak se thoda hat kar,
apana khel jamaaya.
jor-jor se laga bolane,
aao babu aao lala.
saanp newale...
Bachchon ne awaaz suni to,
sarpat daude aaye.
kuchh ke haath nahin tha kuchh bhi,
kuchh baste latkaaye.
sabase aage khada ho gaya,
Pandit ji ka saala.
saanp newale...
Bheed dekh bhaari bachchon ki,
ek pitaari kholi,
saanp dekh kar lamba kaala,
band sabhi ki boli.
chatur madaari bola bachchon,
maine isako paala.
saanp newale...
Aage badh kar tabhi newala,
uss se ja takraaya.
saanp newale ki takkar se,
sabaka mann ghabraaya.
lekin koi mara na isme,
aisa khel nirala.
saanp newale...
Humne dekha khel anokha,
saanp newale waala.
Dr. Parshuram Shukla
. All rights reserved.
Please wait...
