Latest poems in Hindi & English on Republic day, India Gantantra Diwas, 26 January

Kuch Bhuli Bisri yaadein

1
15 -Nov-2014 Shivendra Singh Memories Poems 0 Comments  1,902 Views
Shivendra Singh

Aaj ke Hansi mausam ne kuch
beete Lamhon ko jaga diya..
Soya huaa tha dil,
jin yaadon ko bhula ke
Aaj mausam ki bahar ne
Dil ko phir rula diya..
Kuch khamoshi si cha gayi hai.
Mere aas-paas har taraf..
Mai apne jazbaaton ko
kis-se kahun..
yahi sochkar khamosh baitha hun.
Achanak yaad aaya..
kyon na kalam utha,
kore kagaj mein apna
haale-dil bayan kar dun.
is akelepan ke bojh ko
thoda kam kar lun.
Un beeti yaadon ko
mitaun kaise ..
Jo baar-baar tadpa rahi hain.
is beraham man ka
Mai kya karun
Jo reh-reh kar mujhe jhakjhor raha hai..
Mere Dil ko tod raha hai..
Kyon?
Mai aaj kai Barson ke Gujre hasin Lamhon mein kho gaya hun.
Ye Rab hi jaane
Par mai aaj tadap-tadap kar
har pal toot raha hun.
Aasman ko nihara aaj siddat se
to kuch pal ke liye mano aisa laga
ki is dhudhle Aasman tale
sirf mai akela khada hun.
Neeche palkein jhukai to
Kuch is kadar laga ki
rukhsat ho jaun is veeran jahan se..!
Phir yaad aaya upar Aasman,
neeche Zamin hai..
har insaan ke jeevan mein
kuch na kuch kami hai..
Ye to pal 2 pal ki khamosi hai.
Waqt ke saath halaat badal jayenge ..
Hamare har jazbaat badal jayenge.
Malum hai hame subah ke baad
shaam hogi.
Zindagi hamari bhi ek din
kisi mod par Gumnaam hogi..!!



 Please Login to rate it.



You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017