Latest poems in Hindi & English on Republic day, India Gantantra Diwas, 26 January

My shaar1

0
27 -Jun-2019 Mansoor Miscellaneous Poems 0 Comments  568 Views
Mansoor

1. Suna hai har nasha bura hai, Mohabbbat ko chhod kar baat bahut mukhtasir hai, hamein tum se mohabbat hai

2. Akad kar chal na ae insaan teri pehchaan kitni hai Mehaz ek saans hai ye jism is mein jaan kitni hai

3. Ghhalib ka dard na meer ki aah ki hai zarurat mujhko
Mere sher khud hain ik ghhazal main khud mukammal ek kitaab

4. Saare hunar seekh liye maine is zamanane se Badma’ashi, badkhayali, badnazri aur badfaeli

5. Jaane kab ke mar gaye wo log
Jo zindo ko sahaara diya karte they

6. Ek namumkin si ummid mein puri zindagi guzar di Jese bikhra hua ho shisha aur ayina banana ho

7. Fakhr karu ya zamane se rashk ke mere mehbub Tera naam ab har shakhs ki zubaaan par hai

8. Main tere dard se wabasta to nahi hu lekin Jab tu rota hai meri aankhein bheeg jati hain

9. Khuda rehta hai meri rag rag mein Tum samajhte ho mera koi nahi

10. Zaleel karti hai ghharibi kis kis tarah mansoor Log kafan bhi nahi dete agar jeb khaali ho

11. Dard mujhko ho to wo rota hai Kya ishq mein aisa hi hota hai

12. Mehakti hai tere badan ki khushboo Mujhe phulo ka gumaan hota hai


13. Log bant gaye Usman aur Ali mein lekin Na koi Ali bana na hi Usmaan hua

14. Najaane kitne bewaqt janaaze uthte hain Jab kisi ghharib ki doli mein jahez jata hai

15. Wo ghhairat ab zinda nahi hai insaan mein Jise hum insaniyat ke naam se bulate hain

16. Taaro mein hi guzar rahi shab Rutha hua hai ab chaand mujhse

17. Kisko bechta main apne ghhamo ki daulat mansoor Qeemat jisne thi lagayi wo khud ghhamgeen bahut they

18. Kyu khud ko ab rulate ho Ishq bemaut mar chuka hai

19. Tukde tukde ho chuke jaane kitni shamsheer ke Sab azad ho gaye siwaye ek Kashmir ke

20. Aankhein bhig jati hain tum jab bhi yaad aate ho Tumhe mehsus karta hu ye phir se muskurati hain

21. Har jaan barabar hai har dard barabar hai Main Aaala na tu Adna har fard barabar hai

22. Mat rok mujhe gunaah karte rehne se mansoor Dekhna hai mujhe khuda rehmaan kitna hai

23. Log rab ko bhula dete hain Tum sanam ki baat karte ho

24. Zindagi yu abr-e ghham ke andhero mein ghiri hai Tez barsaat gar hogi to ujala hoga

25. Maine khud ko sanwara hai bas teri khatir Banke ayina bas ek baar mujhe aks bana le

26. Khud se nafrat bhi mohabbat mein badal jati thi Jab wo kehta tha ke apna khayal rakhna tum

27. Ibadat ka tujhse sila maangta hu
Raza-e- Mohammad (s.a.w.) khuda mangta hu

28. Bahut jaddo jehad ke baad tera qarb hasil hai teri thodi si berukhi bhi meri jaan le legi

29. Ishq mein dil ka mukhtalif mizaaj hota hai Ke khud ilaaj bhi la-ilaaj hota hai

30. Hain jo mujrim wahi munsif hain yahaan Yahi qusoor hai mera ke bequsoor hu main

31. Bhari jo ishq mein haami tajjub Khushi se ghharq bhi hone na paye

Talatum khez yadein aur judayi Gulo ki sej pe sone na paye




32. Bas isi baat ka afsos hai mujhe mansoor
Wo dil ke qareeb jitna hai nazro se utna door

33. Na dekh daaur-o zamana ke kuch nahi haasil Jashn mein dooba hai maqtool ro raha qatil

34. Dard hai tujhse mohabbat bhi aur tere baghhair Phir to behtar hai ke tanha hi ji liye jae

35. Laazim hain talluqaat mein shak ki bandishein Warna namumkin hai rishto mein gehrayi ka ehsaas

36. Mohabbat ism-e taqaddus hai daghha kuch bhi nahi Saafo shaffaaf ye rishta hai chhupa kuch bhi nahi

37. Tum wahi main wahi hain wahi sarghoshiya Jism jaano ishq wo hi rishto mein khamoshiya

38. Zameeen-o aasman tere charagh-o qehqashaan tere Badan tera zubaan teri ye nazar-o qalb-o jaan tere

39. Ho jau tawaafe khana-e tanweer-e haq se mashkoor Hai jo moazzam-o manzoor-e khuda mansoor

40. Zauqe tanhayi mein uska khayal itna badha
Ke shauqe wisaal tham sa gaya is wafa ke baad

41. Haq uska ada karne ko ab bhi betaab hai dil Jis shakhs ne pucha tha ke maa kesi hai

42. Mumkin hai har dard ki dawa mansoor Mile jo ishq mein wafa mansoor


43. Yaad bhi tum Yaaddaasht bhi

44. Ghhame duniya ke fikr-e yaar dekhu Bata mere khuda kya kya main dekhu

45. Musaafir hi rehne do mujhe mehnat ki hai aadat Kaahil na kar baithey hirs ye manzil ki mujhe

46. Kaash ke guzara hota ishq mein Befikr hum bhi sote

47. Keh kar itna ke dehshat gard hai ye Bahut asaan hai muslim ko qatl kar dena

48. Ibteda jo ki hamd-e baari taala Qalam ne keh diya subhan Allaah

49. Haan zaruri hai ishq karna bhi Had me rehna bhi aur guzarna bhi

50. Guzaare kuch din jo bistar par to ye ehsaas hua Kitna mushkil hai apaahij ho kar zinda bane rehna

51. Kisi ki bhukh ki shiddat samajh lu Main roza rakhta hu kuch is niyat se

52. Bana kar mera muqaddar ghharibi Khuda ne bakhshi hai sabre ayubi


53. Yaqeen aabid ka ibadat mein juda rehta hai
Kabhi khuda ko patthar kabhi patthar ko khuda kehta hai

54. Mujhe shiddat se chaha kar Mere talabgaar bahut hain

55. Shab ke andhero se kyu ishq na karu mansoor
Hai yahi mohsin mera mehbub ka khaalis tanha

56. Kaha se laau wo alfaz jo tujh ko teri tareef mein Kitaabe husn misaale ishq jamaale qalb likhta ho

57. Kyu dhundhta hai naam-e khuda bejaan chizo mein Milega wo haqiqat mein tareeqat mein shareeat mein

58. Main aayinda kahi bewafa na ho jau Wo is dar se izhaar-e wafa nahi karta

59. Baar baar yu zakhmo ki marammat nahi hoi Chale jao tum ab humse mohabbat nahi hoti

60. Bahut taklif mein dil yu sukoon pata hai
Kuch ashk behte hain aur dard kam ho jata hai

61. Is tarah zamaane bhar mein meri ruswayi kar Main tujhse wafa karu tu mujhse bewafayi kar

62. Bahut mushkil mein jaan hai meri Kyu ki mithi zubaan hai meri

63. Chhupa rakha hai usne zehar apne daaman mein Jab jab wo bolta hai phool jhadte hain


64. Kitne chehre badal diye tumne Humse pucho abhi wahi dil hai

65. Nazar ka apni aetebar na kar Dil jise chahe use pyar na kar
Maine ishq mein kaati hain raatein Tu khud ko itna beqarar na kar

66. Thaka diya hai ae zindagi tune mujhko bahut Ya tu thehar ya mujhko thehar jaane de

67. Mere dard ka paimana bas shikasta dil Bhigi hui palkein aur ye khushk lab

68. Kisi se mat kaho ke dil mein jagah de Dilo mein ajkal nafrat bahut hai

69. Ya Khuda meri ye aarzu puri kar de Mujhko jo chahe usko tu mera kar de

70. Mujhko khareed aise ke nilami bhi na ho zahir
Nafa mein rahu main bhi teri qimat bhi bachi rahe

71. Masjid mein baith kar bhi pine dega khuda magar Tu wo sharab la jis mein nasha nahi

72. Jo khud hi kul jahaan hai Wo sirf maa hai

73. Sab kuch had mein karte ho Ishq behad kyu karte ho

74. Hum chahte hain dil mein basayein unhe har dam Wo hain ki ek pal bhi gawara nahi karte

75. Zindagi mein raahein abhi aur bhi hain Milne ko panaahein abhi aur bhi hain Ghham na kar ab bhi bachi hai ummid Thaamne ko bahein abhi aur bhi hain

76. Apne Eimaan ke tawazun ki kis tarah se karu tafteesh Main hi momin main hi kafir main hi Adam main hi iblees

77. Har Manzil aasan ho jaegi mansoor Shart hai ke dil me Qur'an hona chahiye

78. Ek arsa beet gaya dil-e- bimaar ko mansoor Ab khairiyat na pooch, koi aur baat kar

79. Farz jitney hain un mein ek yeh bhi hai Mulk ki khidmat tu ibadat ki tarah kar

80. Junoon-e-Ishq tum rakho to hosh bhi mansoor Wajood jisne bhi bhulaya use haasil kya hai

81. Husn chahat dhokha zina qatl aur phir aansu yu barbad ho jaya karti hai besharm mohabbat

82. Ye Jaante hue ke bewafa tu bhi hai Ae zindagi tujh se bhi ishq hai mujhko

83. Yahi hota hai ishq mein Sukoon khota hai ishq mein

84. Nafratein ghat ti nahi kya zehar dil mein bhar gayi ek chingari hamein hindu musalman kar gayi


85. Ye charind-parind jaanwaro ki duniya jina sikha rahi hai ibne adam ko
qatlo ghhaarat aur ranjisho se door
de rahi hai sabaq insaaniyat ka insaan ko


86. Tu mujh se ye gila karta hai ke mujh se milne nahi aate? Main jin mein khoya rehta hu wo yadein bhi to teri hain



 Please Login to rate it.


You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017