Latest poems in Hindi & English on Republic day, India Gantantra Diwas, 26 January

Pyar - Ek tarfa, Dhoka - ek tarfa

0

Pyar - Ek Tarfa, Dhoka - Ek Tarfa : It is a sad love poetry by she (girl) for he (boy). In this poem the girl is telling about her relationship with her lover. She is saying that first he was loving her very much. He was praising her beauty and he always call her his dream girl or fairy. But later he start ignoring her. He start cheating her.

22 -Nov-2017 Ksheerja G Love Poem 0 Comments  2,743 Views
Pyar - Ek tarfa, Dhoka - ek tarfa

Woh Chup Chup kar gaadi ki kaach mein 
unka chehera niharti
Nazare milte hi kahi aur dekhti

Unse chupne unhi ke baho mein khud ko chupati
Har mulaqat  pehli mulaqat jaisi lagti
Har Subah unki  'shubh prabhat'ka intezar karti
Aur Har raat unki 'shubh raathri' par so jaati

Har gaane par Unko sochti
Aur Har gaana unhi ke liye gaati
Har waqt unki parwah karti
Aur Har lamha unkeliye duwah karti

Khud ko unki nazaro se dekhti
Mere badan ka Har nazar teeka
Mujhe unki nazaron se bachati

Meri har nazar unhe teekhi lagti
Meri har Baat meethi
Aur meri har adaa anokhi
Mera Ang Ang khoobsurat
Ajeeb toh yeh tha ke 
Mein unhe Khaas dikhu
Iskeiye koshishe hi nahi lagti

Mein Bohat zyada khoobsurat toh nahi
Par jab bhi khud ko aaiyine se milati
Toh Aayina yehi kehta
Ke apne piya ki mein khoobsurat pari thi


Kitne hi chipe armanonke raaz kholti
Khud se har baar naye sire se milti
Kya mera aisa bhi ek chehera hai
Khud se milkar khud hi tajjub hoti


Unki woh karaari nazar
Mujhe pani ki Tarah pigalati
Unki sasein meri dhadkane tej karti
Unka chuan mere chehere ko laal kar jaati

Udaasi chAaye toh 
unki baton se khud ko behelati
Unki Hasi mein apni duniya ko duboti
Jab kabhi haarne lagti toh unki 
Prerana se khud ko samhalti

Unhe yaad karu toh chehere pe muskaan aajati
Ugti Suraj ko dekh kar unki kamyabi ki dua karti
Toh dhalti Suraj ko dekh kar unki salamati  ki fikar karti

‎Kabhi chaha nahi ke yeh sirf mere bane
Kyun ke is Rishte ka pehla niyam tha judaai
Aur doosra fasale,teesra laqshya,
Unki kamyabi ki‎
Par kabhi socha nahi tha ke
Rishte Ki shuruwat mein Kuch aur bhi niyam the unki taraf se
Dhoka, matlabi, bewafai aur berukhi

Par is Rishte se Juda har ehsas sirf mera tha
Kyunki yeh rishta Adhoora tha
Aur pyar bhi ek tarfa tha 
Kyunki jise mein Ne mehsoos kiya
Uske dil mein mere liye kabhi pyar nahi tha

Woh sapna tha ya haqeqat 
Agar kahu sapna toh har woh khubsurat lamha yaad aajaye
Agar kahu haqeeqat toh saare dhoke Dard de jaye
Mera khoobsurat sa sapna 
Jo mera bhi nahi tha



 Please Login to rate it.



You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017