• Home
• Poems
• Relationship Poems
• Vishwas ki dor

Vishwas ki dor

Vishwas ki dor kamjor na ho..
Hum apnon se, apne humse dur na ho...
Koshish sada rahi hai hamari..
Khilti rahe sabke jeevan ki fulwaari..

Man rupi bhanwra chahe kitni bhi
kare hulchal..
Hame to nadi ki terah
behna hai kal-kal..
Jeevan ka naam hi hai..
sukh aur dukh..
Bina dukh paaye..
kise mila hai sukh..

Sangharsh karke jeene mein hi maza hai.
Warna mere hisaab se jeena ek saza hai.
Lalach ko kabhi haawi hone na do...
Apnon ko kabhi rone na do.

Apna lo apne hridya mein
paropkaar ki preet..
Kuch nahi sansaar mein mera...
Gaoo aisa koi Geet...
Din-Raat sukh chain se beete sabke ..
Hamko to maalum hai hi hum bande hain rab ke..

Sabhi rishte naate jude huye hain vishwas se..
Vishwas ka naam bhi juda huaa hai hum sabki har saans se..
vishwas ki dor kamjor na ho..
hum apnon se, apne humse dur na ho..!!
Vishwas ki dor kamjor na ho...
Hum apnon se apne humse dur na ho...!!