Latest poems in Hindi & English on Republic day, India Gantantra Diwas, 26 January

Deshprem

0
27 -Dec-2012 Dr. Dinesh Chamola Republic Day Poems 0 Comments  2,857 Views
Dr. Dinesh Chamola

Jisne dekar ann-praan, jeevan ko nitya sanwara hai.
kis haalat mein pada desh yah, socho kabhi vichara hai.

Jisne jeevan faslein dekar, jeevan par upkaar kiya
badle mein us sabal rashtra ka, kya-kya hai apkaar kiya?

Maati ne jisaki sona ban, pag-pag panth buhaara hai.
apni chaalaki se tumne, kyon vaibhav sakal sanhaara?

Maat-pita ban jis maati ne, pag-pag diya sahara hai?
use, bataao karuna se kya, tumne kabhi dulaara hai?

Jiske kan-kan ka karza le, jeevan mahal banaya hai,
dukh mein is Bharat mata ka, dhyan tumhein kya aaya hai?

Wah drohi, atyachaari, jisne upkaar bhulaya hai,
oos paapi ne har kshan maa ka, gaurav, doodh lajaaya hai.

Dhnya Bhagat, Sukhdev, Rajguru, nij jeevan sanhaara hai,
maa ki rakshahit jeevan de, dushman ko lalkara hai.

Ve maati ke laal dhnya hain, kuchh din rahkar chale gaye,
kurbaani ki balivedi par, jauhar dikhlaakar chale gaye.

Mare nahin, ve jeevit hain, iss Bharat bhoo ke kan-kan mein,
pujya, rahengein yaad sada we, is Bharat ke jangan mein.



 Please Login to rate it.



You may also likes


How was the poem? Please give your comment.

Post Comment

Poemocean Poetry Contest

Good in poetry writing!!! Enter to win. Entry is absolutely free.
You can view contest entries at Hindi Poetry Contest: March 2017